ABŞ-nin İslandiyadakı yeni səfiri Billi Lonq artıq Skandinaviya ada dövlətinin qəzəbinə tuş gəlib. Bakıvaxtı.az “Lefigaro.fr”ə istinadən xəbər verir ki, Amerikanın "Politico" media orqanının məlumatına görə , Missuri ştatının keçmiş konqresmeni Nümayəndələr Palatasında İslandiyanın ABŞ-nin 52-ci ştatı olacağını və onun qubernatoru olacağını proqnozlaşdırıb. İslandiya xalqı bu sözlərdən məmnun qalmayıb. İslandiya Xarici İşlər Nazirliyi "Politico" ya verdiyi açıqlamada bildirib: "Xarici İşlər Nazirliyi bu ifadələrin doğruluğunu yoxlamaq üçün ABŞ-nin İslandiyadakı səfirliyi ilə əlaqə saxlayıb".
Bu sözlər, Trampın Qrenlandiyanı ABŞ-ın 51-ci ştatı etmək ambisiyalarından onsuz da gərgin olan İslandiya ictimai rəyini qəzəbləndirib. Dörd mindən çox insan potensial səfirin dəyişdirilməsini tələb edən petisiya imzalayıb. İmza sahibləri yazıblar: "Billi Lonqun sözləri azadlıqları uğrunda mübarizə aparmalı olan və həmişə ABŞ-nin dostu olan İslandiya və İslandiya vətəndaşlarına qarşı təhqirdir. Biz Katrin Qunnarsdottirdən (İslandiya Xarici İşlər Naziri) Billi Lonqun İslandiyaya səfir təyin edilməsini rədd etməsini və ABŞ-ni İslandiya və İslandiya vətəndaşlarına daha çox hörmət göstərəcək başqa birini təyin etməyə çağırırıq”.
Billi Lonq Alyaskada yerləşən qeyri-kommersiya xəbər saytı olan “Arctic Today”ə verdiyi müsahibədə bildirib ki , bununla bağlı heç bir problem yox idi:
“Üç ildir görmədiyim insanlarla birlikdə idim və onlar Cef Landrinin Qrenlandiyanın qubernatoru olması ilə bağlı zarafat edirdilər. Onlar mənim haqqımda zarafat etməyə başladılar və əgər bu, kimisə incidibsə, üzr istəyirəm".
Aydın Baxış
