Azərbaycanda ata olmağa hazırlaşan kişilər üçün xoş xəbər var. Uşağın doğulması ilə bağlı atalara 14 gün ödənişli məzuniyyət veriləcək.
Bu yenilik Prezident İlham Əliyevin təsdiqlədiyi Əmək Məcəlləsinə edilən dəyişiklikdə əksini tapıb. Qanuna əsasən, tibb müəssisəsinin verdiyi arayışla atalar doğuşdan əvvəl və doğuşdan sonrakı dövrü əhatə etməklə ümumilikdə 14 təqvim günü müddətində ödənişli məzuniyyət hüququ əldə edəcəklər.
Beləliklə, körpənin ilk günlərində yalnız ana yox, ata da “tam ştatlı valideyn” rejiminə keçəcək.
