Antalyada təlim-məşq toplanışında olan "Qarabağ" günün 2-ci yoxlama matçını keçirib.
Fanat.Az xəbər verir ki, Ağdam təmsilçisi Polşa "Zaqlebye"si ilə qarşılaşıb. Matç komandamızın 3:1 hesablı qələbəsi ilə yekunlaşıb.
Komandamızın heyətində Leandro Andrade, Abdullah Zubir və Joni Montiel fərqləniblər. Polşalılarla oyun "Sport TV" vasitəsilə canlı yayımlanıb.
Qeyd edək ki, "Qarabağ" Türkiyədəki ilk yoxlama matçında Özbəkistan təmsilçisi "Neftçi"ni 5:0 hesabı ilə məğlub edib.
