Tovuz rayonunun bəzi kəndlərində qaz təchizatında fasilələr yaranacaq.
Bu barədə Şəmkir Regional Qaz İstismar İdarəsi (RQİİ) məlumat yayıb.
"Şəmkir RQİİ-nin Tovuz Xidmət Sahəsində Tovuz AQPS-nin "Tovuz Əhali" ölçü qovşağından qidalanan Aşağı Öysüzlü kəndi ərazisində PE - 250 mm-lik ortatəzyiqli qaz xəttində aşkar olunmuş qaz sızmasının aradan qaldırılması ilə əlaqədar olaraq həmin qaz xəttindən qidalanan Əlibəyli, Hacallı, Yuxarı Mülkülü, Aşağı Öysüzlü, Yuxarı Öysüzlü kəndlərinin qaz təminatı yanvarın 19-da, saat 10:00-dan işlər başa çatanadək (təqribən 3 000 abonent) daxildən dayandırılacaq", - məlumatda qeyd olunub.
Tarix: 17 Yanvar 2026, 01:14
