BAKI, 17 yanvar. TELEQRAF
Fransanın Milli Assambleyasının vitse-spikeri Klemans Getenin NATO-dan çıxış təşəbbüsü alyansdakı fikir ayrılıqları fonunda real imkan kimi qiymətləndirilir.
Teleqraf xəbər verir ki, bu barədə Almaniyanın "Berliner Zeitung" qəzeti yazıb.
Məqalədə qeyd olunur ki, uzun illər siyasi cəhətdən reallaşdırıla bilməz sayılan bu addım ABŞ-nin açıq imperiya siyasətinə qayıtması nəticəsində yeni aktuallıq qazanıb. Klemans Gete "Berliner Zeitung"a müsahibəsində bildirib ki, beynəlxalq hüququ tanımayan dövlətin rəhbərlik etdiyi alyansın üzvü olaraq qalmaq Fransiya üçün arzuolunan deyil, ölkənin dayanıqlığını zəiflədir və onu milli maraqlara zidd münaqişələrə cəlb etmək riski yaradır.
Qəzet əlavə edir ki, prezident Emmanuel Makron da NATO-nun inkişaf istiqaməti ilə bağlı şübhələrini ifadə edib və Fransa qoşunlarını Qrenlandiyada yerləşdirərək Vaşinqtondan gələn təhlükələrə qarşı tədbirlər görüb.
Fransanın “Boyun əyməyən Fransa” partiyasının üzvü olan Gete uzun illər ərzində alyansın fəaliyyətini tənqid edib, onun ləğvi və Fransiyanın NATO-dan çıxışı üçün çağırışlar edib. 2021-ci ilin dekabrında partiyanın digər üzvü Bastyen Laşo parlamentə NATO-nun birləşmiş komandirliyindən çıxmaq üçün qərar layihəsi təqdim etsə də, qəbul olunmayıb.
