“Moody’s” Azərbaycanda iqtisadi artımla bağlı proqnozunu açıqlayıb

Azərbaycan iqtisadiyyatı 2025-ci ildə qlobal neft qiymətlərinin aşağı düşməsinə baxmayaraq müsbət artımı qoruyub saxlayıb.BAKU.NEWS APA-ya istinadən xəbər verir ki, bu barədə “Moody’s Ratings” beynəlxalq reytinq agentliyindən bildirilib.Qeyd edilib ki, artım tempi 2024-cü illə müqayisədə zəifləyib. Keçən ilin ilk 11 ayında real ümumdaxili məhsul (ÜDM) illik müqayisədə 1.6% artıb və tam il üzrə artımın təxminən 1.5% olacağı gözlənilir. Bu göstərici qeyri-neft sektorundakı dayanıqlılığın neft-qaz sektorundakı davam edən daralmanı qismən kompensasiya etməsini göstərir.“Moody’s” hesab edir ki, neft qiymətlərinin yumşalması və xərclərin artması 2025-ci ildə konsolidə edilmiş fiskal profisitin (buraya Naxçıvan regionu, sosial fondlar və Dövlət Neft Fondu daxil olmaqla) ÜDM-in təxminən 2.4%-nə enməsinə səbəb olacaq. Bu göstərici 2024-cü ildə 4% təşkil etmişdi. Dövlət büdcəsində infrastruktur, bərpa və sosial proqramlara xərclərin sürətlənməsi fonunda yüngül kəsir formalaşa bilər.