Cebheinfo saytından alınan məlumatlara görə, ain.az xəbər verir.
Rusiyada aparılan son ictimai rəy sorğusu göstərir ki, dövlət başçısı Vladimir Putinə olan etimad yüksək səviyyəsini qoruyur.
"Cebheinfo.az" xəbər verir ki, Ümumrusiya İctimai Rəyin Öyrənilməsi Mərkəzi (VTsİOM) tərəfindən 29–30 dekabr 2025-ci tarixlərində keçirilən sorğuya görə, iştirakçıların 80,9 %-i Putinə güvəndiyini bildirib.
Rusiya hökumətinə məxsus "İzvestiya" qəzetinin yaydığı sorğu nəticələrinə görə, dövlət başçısının fəaliyyətlərini təsdiqləyənlərin nisbəti 77,8 % olaraq ölçülüb. Sorğuya yalnız yetkin əhali daxil edilib.
Hökumətin fəaliyyətinə dair qiymətləndirmələrdə isə daha ehtiyatlı bir vəziyyət ortaya çıxıb. Rusiya Federasiyası hökumətinin işini müsbət qiymətləndirənlərin nisbəti 51,6 %-dir. Bununla müqayisədə, Baş nazir Mixail Mişustinə olan etimad səviyyəsi isə 63,4 % təşkil edib.
Kremlin sözçüsü Dmitri Peskov oktyabr ayında açıqlamasında oxşar göstəricilərin cəmiyyətin dövlət başçısı ətrafında birləşdiyini göstərdiyini vurğulamışdı.
Kremlinə görə, il boyunca birbaşa tədbirlərə ünvanlanan milyonlarla sual da ictimaiyyətin siyasi gündəmə marağının davam etdiyini ortaya qoyub.
Nigar Hacılı
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Daha ətraflı məlumat və yeniliklər üçün ain.az saytını izləyin.
