İndoneziyanın Cənubi Sulavesi əyalətində 7 ekipaj üzvü də daxil olmaqla 10 nəfəri daşıyan təyyarənin itkin düşdüyü və axtarış əməliyyatının başlandığı bildirilir.
Turkustan.az xəbər verir ki, Antara-nın məlumatına görə, İndoneziya Hava Nəqliyyatı şirkətinin idarə etdiyi ATR 42-500 təyyarəsindən gələn siqnal Cənubi Sulavesi əyalətinin Maros bölgəsində itib.
Səlahiyyətlilər təyyarədəki problemin hava şəraiti ilə əlaqəli ola biləcəyini bildiriblər.
Mülki Aviasiya Baş İdarəsi təyyarənin axtarış işlərinə başlandığını və müvafiq qurumlarla sıx əlaqədə olduqlarını açıqladı.
Aytən Yaşar/ Turkustan.az
