İtaliyanın “Milan” klubunun hücumçusu Niklas Füllkruqun bahalı saatları oğurlanıb.
QOL.az xəbər verir ki, bu barədə “Football Italia” məlumat yayıb. Hadisə futbolçu komandanın məşqində olan zaman baş verib. Otelə qayıdan Füllkruq seyfinin sındırıldığını aşkar edib. Naməlum şəxslər alman hücumçuya məxsus dörd ədəd qol saatını oğurlayıblar. Saatların ümumi dəyəri 500 min avro təşkil edir.
Qeyd edək ki, Niklas Füllkruq yanvarın 2-də “Vest Hem”dən icarə əsasında “Milan”a keçib.
