Təhlükəsizlik məsələləri üzrə tanınmış ekspert İlham İsmayıl xəstəxanaya yerləşdirilib.
Moderator.az xəbər verir ki, uzun müddətdir ürək-damar xəstəliyindən əziyyət çəkən ekspertin səhhətində son günlər müəyyən problemlər yaranıb. Bu səbəbdən İlham İsmayıl bu gün Dövlət Təhlükəsizliyi Xidmətinin (DTX) hospitalına yerləşdirilib.
Hazırda onun müayinəsi və müalicəsi həkimlərin nəzarəti altında davam etdirilir. İlham İsmayılın səhhəti ilə bağlı əlavə məlumatın yaxın saatlarda açıqlanacağı bildirilir.
Qeyd edək ki, İlham İsmayıl uzun illərdir təhlükəsizlik və regional proseslərlə bağlı ekspert rəyləri ilə tanınır, mediada və ictimai müzakirələrdə fəal iştirak edir.
