“Ştutqart” Almaniya Bundesliqasının 18-ci turunda öz meydanında “Union”la bərabərə qalıb.
İdman.Biz xəbər verir ki, qarşılaşmada hesab 59-cu dəqiqədə meydan sahiblərinin hücumçusu Kris Fuxrixin qolu ilə açılıb. Lakin qonaqlar məğlubiyyətdən 83-cü dəqiqədə yarımmüdafiəçi Çon U Yenin dəqiq zərbəsi sayəsində xilas olublar.
Bu nəticədən sonra “Ştutqart” 33 xalla turnir cədvəlinin dördüncü pilləsində qərarlaşıb. “Union” isə 24 xalla səkkizinci mövqedə yer alır.
