ain.az, Ayna saytından verilən məlumata əsaslanaraq xəbər yayır.
Pentaqon Minnesota ştatına 1500 əsgər göndərməyə hazır olduğunu açıqlayıb
ABŞ Müdafiə Nazirliyi Minnesota ştatına 1500 əsgər göndərməyə hazır olduğunu açıqlayıb. AYNA.AZ xəbər verir ki, bu barədə "The Washington Post" qəzeti Pentaqon mənbələrinə istinadən məlumat yayıb.
Mənbələrə görə, Pentaqon Minnesota ştatındakı iğtişaşların şiddətlənməsi halında ABŞ Silahlı Qüvvələrinin iki piyada batalyonuna və bir hava-desant diviziyasına həyəcan vəziyyətinə gətirilməsini əmr edib.
Daha əvvəl ABŞ Prezidenti Donald Tramp jurnalistlərə bildirib ki, İmmiqrasiya və Gömrük Mühafizəsinin (ICE) hərəkətlərinə qarşı etirazlarla əlaqədar ölkədə qanun və qaydanı qorumaq üçün Silahlı Qüvvələrin yerləşdirilməsi üçün heç bir səbəb yoxdur.
7 yanvarda Minnesota ştatının Minneapolis şəhərində qanunsuz immiqrantların axtarışı zamanı hərbçilər yolun ortasında saxlanılan və onların hərəkətlərinə etiraz edən bir qadının nəqliyyat vasitəsindən çıxmasını tələb ediblər. Maşın hərəkət etməyə başlayanda zabitlərdən biri xidməti silahı ilə sürücüyə atəş açıb. Qadın aldığı yaralardan ölüb. Minnesota meri Ceykob Frey ICE zabitlərinin hərəkətlərini ehtiyatsızlıq adlandırıb və onlardan şəhəri tərk etməyi tələb edib. Minnesota qubernatoru Tim Valz hadisə ilə bağlı "tam, ədalətli və təcili araşdırma" aparılacağına söz verib. Bundan sonra şəhərdə genişmiqyaslı etirazlar başlayıb.
Öz növbəsində ABŞ Daxili Təhlükəsizlik Katibi Kristi Noem bildirib ki, ICE şəhərdə fəaliyyətini davam etdirəcək. Katib qadını vuran ICE zabitinin özünümüdafiə məqsədilə və təlimatlara uyğun hərəkət etdiyinə əmindir. Tramp da oxşar fikirdədir.
Minneapolisə təxminən min əlavə ICE zabiti yerləşdirilib. 15 yanvarda Tramp Minnesota hakimiyyəti ICE zabitlərinə hücumları dayandırmasa, “Üsyanın Yatırılması Qanun”unu tətbiq etməklə hədələyib.
Sonrakı hadisələr barədə daha çox məlumat almaq üçün ain.az saytını izləyin.
