«Biz bəzi klubların təcrübəsindən görürük ki, məşqçi və futbolçularla iş düzgün qurulmayanda, böyük problemlər olur.
Bu, büdcənin böyüklüyünə, ad-sana baxmır».
Bu sözləri Sportinfo.az-a açıqlamasında “Zirə”nin Müşahidə Şurasının sədri Orxan Məmmədov deyib.
10 ildən artıqdır ölkə futboluna xidmət edən təcrübəli funksioner idarəçilik məsələsinin kifayət qədər önəm daşıdığını bildirib:
«Burada mühit vacibdir. Klubu yaradan gündən fikirləşmişik ki, ailə ab-havası olsun.
Bundan sonra da məqsədimiz yalnız budur.
Odur ki, düşünürəm ki, «Zirə» bu mövsüm də, gələn illərdə də, ümumiiyyətlə, həmişə yüksək yerlər uğrunda mübarizə aparacaq».
