Cebheinfo saytından verilən məlumata əsasən, ain.az məlumatı açıqlayır.
Rusiyada 2025-ci ildə qanunsuz xarici vətəndaşların ölkədən çıxarılması üçün ayrılan dövlət xərcləri kəskin şəkildə artıb.
Yanvar–noyabr dövründə Rusiyanın regionları xarici vətəndaşlar və vətəndaşlığı olmayan şəxslər üçün nəqliyyat biletlərinin alınması məqsədilə federal büdcədən ümumilikdə 828,5 milyon rubl vəsait tələb edib. Bu məbləğ təxminən 10,4 milyon dollara bərabərdir və əvvəlki illə müqayisədə təxminən 30 faiz artım deməkdir.
"Cebheinfo.az" xəbər verir ki, Vedomosti qəzetinin məlumatına görə, 2024-cü ilin eyni dövründə regionların tələb etdiyi məbləğ 639,1 milyon rubl, yəni təxminən 8 milyon dollar təşkil edib. Analitiklərin fikrincə, 2025-ci ildə xərclərin artmasının əsas səbəbləri arasında qanunsuz miqrasiyaya qarşı nəzarətin sərtləşdirilməsi və nəqliyyat xərclərinin yüksəlməsi yer alır.
Bundan əlavə, bir çox regionlar artıq təkcə bilet alınması ilə kifayətlənməyərək müşayiət, tibbi dəstək və logistikanı da əhatə edən “xidmət paketləri” satın almağa başlayıb.
Xərclərin həcminə görə birinci yerdə Mərkəzi Federal Dairə qərarlaşıb. Bu bölgədə ümumilikdə 48 tender keçirilib və ümumi məbləğ təxminən 343 milyon rubla çatıb.
Şimal-Qərb Federal Dairəsində isə tenderlərin sayı azalmasına baxmayaraq, ümumi məbləğ demək olar ki, iki dəfə artaraq 206,8 milyon rubla yaxınlaşıb.
Mütəxəssislərin fikrincə, bu tendensiya miqrasiya siyasətindəki struktur dəyişiklikləri ilə birbaşa bağlıdır. 2025-ci ilin fevral ayından etibarən deportasiya qərarlarının əhəmiyyətli hissəsi məhkəmələrdən alınaraq Daxili İşlər Nazirliyinin regional bölmələrinə verilib. Bu addım prosesi sürətləndirsə də, fərdi hüquqların qorunması ilə bağlı yeni müzakirələrə yol açıb.
Nəqliyyat xərcləri də büdcəyə düşən yükü artıran əsas amillərdən biri kimi ön plana çıxır. 2025-ci ildə keçmiş Sovet məkanına həyata keçirilən uçuşların orta qiyməti 2,7 faiz artaraq 17 min 300 rubla, yəni təxminən 216 dollara yüksəlib.
Bu mənzərə Rusiyada miqrasiya siyasətinin təkcə inzibati və hüquqi baxımdan deyil, eyni zamanda maliyyə baxımından da getdikcə daha baha başa gəldiyini göstərir.
Nigar Hacılı
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
