Təkcə 2025-ci ildə şirkətin xərcləri təxminən 8 milyard dollara çatıb.
QHT.az xəbər verir ki, analitiklər proqnozlaşdırır ki, əgər OpenAI gəlirlərini artırmasa və yeni investisiyalar cəlb edə bilməsə, 2027-ci ilin ortalarına qədər iflasa uğraya bilər. Şirkətin 2025-ci ildə xərcləri təxminən 8 milyard dollar olub və 2028-ci ilə qədər 40 milyard dollara çatacağı proqnozlaşdırılır. İstifadəçilərin əksəriyyəti pulsuz ChatGPT-dən yararlandığı üçün ödənişli modellərə keçid zəifdir, bu da şirkətin əsas problemini təşkil edir. Google, Meta və Microsoft kimi rəqiblərin isə sabit gəlir mənbələri var.
OpenAI-nin mövqeyi süni intellekt agentlərinin gündəlik həyatda əvəzolunmaz hala gəlməsindən asılıdır. Analitiklər deyir ki, ehtiyatlar tükənərsə, şirkət Microsoft və ya Amazon tərəfindən alına bilər. NYT vurğulayır ki, OpenAI-nin çöküşü süni intellektin sonu demək deyil, yalnız bu şirkətin sonu olacaq.
Son olaraq, ChatGPT artıq tətbiqdaxili reklam xüsusiyyətinə malikdir və tibbi qeydləri Apple Health və MyFitness kimi tətbiqlərlə birləşdirmək mümkündür.
R.İmanov
