İtaliyalı tennisçi, dünya reytinqində ikinci pillədə qərarlaşan Yannik Sinner Avstraliya Açıq Çempionatına 2026 turnirində ikinci mərhələyə vəsiqə qazanıb.
90deqiqe.Az-ın məlumatına görə, o, ilk turda Fransa təmsilçisi Hüqo Qastonla üz-üzə gəlib. Qarşılaşma Sinnerin 6:2, 6:1 hesablı üstünlüyü ilə davam edərkən fransalı tennisçi zədə səbəbindən oyunu davam etdirə bilməyib. Qastonun emosional anlar yaşadığı məqamda Sinner rəqibini dəstəkləyib.
Matç ümumilikdə 1 saat 10 dəqiqə davam edib.
Qeyd edək ki, Yannik Sinner ikinci mərhələdə avstraliyalı Ceyms Dakvortla xorvatiyalı Dino Prijmiç arasında keçiriləcək oyunun qalibi ilə qarşılaşacaq.
