9 yanvarda Rusiyanın kütləvi hava hücumlarından sonra paytaxtı müvəqqəti olaraq təxliyə etmək çağırışı veriləndən bəri təxminən 600 min insan Kiyevi tərk edib.
Bakıvaxtı.az "France-Presse" agentliyinə istinadən xəbər verir ki, bu barədə paytaxt meri Vitali Kliçko bildirib. O, "France-Presse" agentliyinə verdiyi müsahibədə qeyd edib ki, hər kəsin şəhəri tərk etmək imkanı yoxdur, amma hazırda əhali azalır :
"Şəhərin ümumi əhalisi təxminən 3,6 milyondur".
V.Kliçko onu da diqqətə çatdırıb ki, temperatur -20°C-yə yaxınlaşır və Putin bundan müqaviməti qırmaq, hər kəsi depressiyaya salmaq və cəmiyyətdə gərginlik yaratmaq üçün istifadə edir.
Aydın Baxış
