Mersisayd təmsilçisi müdafiə xəttini gənc və perspektivli oyunçu ilə gücləndirmək üçün hərəkətə keçib.
Fanat.Az xəbər verir ki, "Liverpul" klubunun rəhbərliyi hazırda "Tottenhem"in formasını geyinən Miki van de Veni transfer etmək niyyətindədir.
"TEAMtalk" nəşrinin yaydığı məlumata görə, bu keçidin reallaşması üçün klubun kifayət qədər böyük məbləğdə təzminat ödəməli olacağı gözlənilir. Cari mövsümdə niderlandlı müdafiəçi Premyer Liqada göstərdiyi yüksək sürət göstəriciləri (37.38 km/saat) ilə mütəxəssislərin diqqətini cəlb etməyi bacarıb.
"Liverpul" rəhbərliyi onu 33 yaşlı Vircil van Daykın uzunmüddətli əvəzləyicisi və müdafiənin yeni lideri kimi nəzərdən keçirir. İspaniya nəhəngi "Real Madrid" də futbolçunun vəziyyətini yaxından izləsə də, London təmsilçisinin tələb etdiyi yüksək qiymət səbəbindən onların bu yarışda geri qaldığı bildirilir.
Van de Venin "Tottenhem" ilə 2029-cu ilə qədər müqaviləsinin olması transfer danışıqlarında "şpurlar"ın əlini gücləndirən əsas amildir.
Kamil Xudiyev
