İran dövlət televiziyası IRIB qısa müddətə haker hücumuna məruz qalıb. Televiziya İran şahının oğlu Rza Pəhləvinin QHT-lərin məlumatına görə, artıq 4000-dən çox insanın ölümünə səbəb olan etirazçıları repressiya etməməyə çağıran mesajlarını yayımlayıb. Bakıvaxtı.az "LeFigaro.fr"ə istinadən xəbər verir ki, hakerlər İran dövlət televiziyasının proqramlarını qısa müddətə pozaraq, keçmiş İran şahının oğlu Rza Pəhləvinin təhlükəsizlik qüvvələrini «silahlarını xalqa tuşlamamağa" çağıran mesajlarını yayımlayıblar. Sosial mediada paylaşılan görüntülər "Associated Press" də daxil olmaqla bir neçə media orqanı tərəfindən ələ keçirilib.
İran dövlət televiziyası olan IRIB vasitəsilə bir neçə peyk kanalında yayımlanan videoda vəliəhd şahzadə bildirib :
“Orduya xüsusi bir mesajım var: Silahlarınızı xalqa tərəf yönəltməyin. İranın azadlığı uğrunda millətə qoşulun”.
Görüntülərdə həmçinin iddia edilən polis və hərbçilərin silahlarını yerə qoyub xalqa sədaqət andı içdikləri də müşahidə olunurdu, amma bu, təsdiqlənmədi.
Qeyd edək ki, taxt-tacın varisi 65 yaşlı Rza Pəhləvi atasını devirən 1979-cu il İslam İnqilabından bəri ABŞ -da yaşayır. 28 dekabr 2025-ci ildən bəri onun adı "Pəhləvi bar migarde!" ( "Pəhləvi qayıdacaq!" ) şüarı ilə keçirilən nümayişlərdə səsləndirilir ki, bu da onun bir neçə həftədir İranı silkələyən etirazlardakı simvolik rolunu göstərir. İranda repressiyalar xüsusilə qəddar şəkildə həyata keçirilir. Fəalların sözlərinə görə, ən azı 4029 nəfər öldürülüb və bu rəqəmin artması ehtimalı var.
Aydın Baxış
