Dünya bazarlarında qızılın qiyməti bir troya unsiyası üçün 4 880 ABŞ dollarını ötüb.
"Far.Az" xəbər verir ki, bunu ticarət məlumatları təsdiq edir.
Kotirovkalar geosiyasi qeyri-müəyyənliyə və qlobal ticarət münasibətləri ətrafında mövcud olan narahatlıqlara reaksiya verir.
Nyu-Yorkun "Comex" birjasında fevral ayı üçün qızıl fyuçerslərinin qiyməti əvvəlki bağlanışa nisbətən 114,59 ABŞ dolları və ya 2,41 % artaraq bir troya unsiyası üçün 4 881,19 ABŞ dollarına yüksəlib.
Eyni zamanda, mart ayı üçün gümüş fyuçerslərinin qiyməti 0,17 % artaraq bir unsiya üçün 94,79 ABŞ dollarına çatıb.
Qlobal geosiyasi vəziyyətin qeyri-sabitliyi və qlobal ticarət ilə bağlı narahatlıqlar etibarlı aktiv kimi qızılın bahalaşmasına təsir edən əsas amillərdən biri olaraq qalır.
"Comex" birjasında (Nyu-York Ticarət Birjasının bölməsi) 2026-cı ilin fevral ayı üçün qızıl fyuçerslərinin qiyməti yeni rekord səviyyəyə çataraq troya unsiyası üçün 4 800 dolları keçib.
"Far.Az"un məlumatına görə, bunu ticarət platformasının məlumatları göstərir.
Bakı vaxtı ilə saat 5:06-ya olan məlumata görə, qiymətli metalın qiyməti əvvəlki bağlanışdan 0,76 % artaraq bir troya unsiyası üçün 4 802 dollar təşkil edib. Bakı vaxtı ilə saat 5:11-ə qədər qiymət bir troya unsiyası üçün 4805,4 dollara yüksəlib (artım 0,83 %).
Bakı vaxtı ilə saat 05:25-ə qədər qiymət artımı yavaşlayıb və qiymət bir troya unsiyası üçün 4823,7 dollara (+1,21 %) çatıb.
