ain.az bildirir, Azpolitika.az saytına əsaslanaraq.
ABŞ hərbçiləri həftənin ikinci günü Venesuela sahillərinin yaxınlığında növbəti neft tankerini ələ keçirib.
“AzPolitika” Qərb mediasına istinadla xəbər verir ki, “Sagitt” tankeri, üzərində Venesuela nefti ilə dekabrın əvvəllərindən ABŞ Sahil Mühafizəsinin həyata keçirdiyi əməliyyat çərçivəsində saxlanılan yeddinci tanker oldu. Bu əməliyyat, ABŞ tərəfindən sanksiyalara məruz qalmış gəmilərin blokadaya alınmasını əhatə edir.
ABŞ Silahlı Qüvvələrinin Cənub Komandanlığı bildirib ki, bu tankerin ələ keçirilməsi "Prezident Donald Tramp tərəfindən sanksiyaya məruz qalmış gəmilərə tətbiq olunan karantin qaydalarını pozan hər kəsin qarşısını almaq və Venesueladan neftin yalnız qanuni yollarla çıxarılmasını təmin etməkdə ABŞ-nin qətiyyətini göstərir".
“Associated Press” agentliyinin məlumatına görə, “Sagitt” tankeri Liberiya bayrağı altında fəaliyyət göstərir və onun sahibi Honkonq şirkətidir. Tankerin transponderi, gəmiyə izləmə funksiyasını verən cihaz son iki ay ərzində bağlanıb.
ABŞ administrasiyası ələ keçirilən neftdən əldə olunan gəlirin Venesuelanın neft infrastrukturunun bərpasına yönəldiləcəyini bildirib. Prezident Tramp qeyd edib ki, artıq ABŞ 50 milyon barrel Venesuela nefti alıb, bu isə dünya bazarına çıxarılaraq neft qiymətlərinin azalmasına təsir göstərir.
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
