Tramp: “Heç kəsə bəlli olmayan silahımız var”

AzVision.az “Daily Beast” nəşrinə istinadən xəbər verir ki, Amerika lideri Donald Tramp Venesuela prezidenti Nikolas Maduronun oğurlanması zamanı hipersəs silahlarının istifadəsi ilə bağlı sualın cavabında belə deyib.

“Bizim heç kimin bilmədiyi bir silahımız var. Yəqin ki, bu barədə danışmamaq daha yaxşıdır, amma bizim heyrətamiz silahımız var”, - ABŞ prezidenti vurğulayıb.

Xatırladaq ki, yanvarın 10-da Ağ Evin mətbuat katibi Kerolayn Livitt “X” sosial şəbəkəsində özünü Maduronun mühafizəçisi kimi təqdim edən və onun qaçırılmasının şahidi olan bir şəxslə müsahibəni təkrar yayımlayıb. Həmin şəxsin sözlərinə görə, onun yaxınlığında enən amerikalı əsgərlər qeyri-adi silahdan istifadə ediblər. Silahdan açılan isə atəşlər“güclü səs dalğasına” bənzəyirdi.

Yeri gəlmişkən, bir Venesuela hərbçisinə istinad edən “New York Post” nəşri də Maduronun tutulması əməliyyatı zamanı amerikalıların yerli qoşunların indiyədək rast gəlmədiyi naməlum silahdan istifadə etdiklərini yazmışdı.

Hərbçinin sözlərinə görə, birdən bütün hava hücumundan müdafiə (HHM) radarları sıradan çıxanda, səmada çoxsaylı pilotsuz təyyarələr, sonra isə helikopterlər peyda olanda o, vəzifə başında idi.

“Sonra baş verənlər döyüş deyildi, qırğın idi. Bu, başını içəridən yarıb partladan güclü səs küyünə bənzəyirdi. Hamının burnu qanamağa, bəziləri isə qan qusmağa başladı. Yerə yıxıldıq, daha tərpənə bilmədik”, -hərbçi vurğulayıb.

Sahil İsgəndərov
AzVision.az