UEFA Çempionlar Liqasının 2025/2026 mövsümünün ümumi mərhələsinin 7-ci turunda İtaliyanın “Yuventus” komandası ilə Portuqaliyanın “Benfika” klubu üz-üzə gəlib.
90deqiqe.Az-ın məlumatına görə, Turin şəhərində yerləşən “Allianz” stadionunda keçirilən qarşılaşmada meydan sahibləri 2:0 hesablı qələbə qazanıblar.
Matçın baş hakimi Niderlandın Haarlem şəhərindən Serdar Gözüybük olub. Görüşdə hesab 55-ci dəqiqədə “Yuventus”un yarımmüdafiəçisi Kefren Tyuram-Yulen tərəfindən açılıb. 64-cü dəqiqədə isə amerikalı futbolçu Ueston Makkenni turinlilərin üstünlüyünü artırıb.
Bu nəticədən sonra “Yuventus” 7 oyunda 12 xal toplayaraq turnir cədvəlində play-off zonasına yüksəlib. “Benfika” isə 6 xalla aşağı pillədə qərarlaşıb.
Qrup mərhələsinin son turunda Portuqaliya klubu evdə Madrid “Real”ını qəbul edəcək, “Yuventus” isə səfərdə “Monako” ilə qarşılaşacaq. Hər iki oyun 28 yanvar, çərşənbə günü keçiriləcək.
