ain.az, Oxu.az saytına istinadən bildirir.
Baku TV-nin qaynar xəttinə müraciət edən sakinlər Şabran rayonu, Dəvəçi kənd tam orta məktəbinin binasının yararsız vəziyyətdə olmasından şikayət edirlər.
Burada əqrəb, ilan - nə desən, var" - Uşaqların təhlükə altında qaldığı məktəbdə nə baş verir?
Sakinlərdən biri bildirib ki, məktəbin vəziyyəti ciddi narahatlıq doğurur:
"Məktəb bərbad gündədir. Tavandan su damır, uşaqlar tez-tez qrip olurlar. Burada əqrəb, ilan - nə desən, var".
"Məktəb sovet dövründə tikilib. Oturacaqlar pis vəziyyətdədir, sanitar qovşağı yoxdur. Divarlarda çatlar var. Övladım evə gəlib deyir ki, ata, dərs vaxtı üstümüzə su damır", - başqa bir sakin deyib.
Məsələ ilə bağlı Quba-Xaçmaz Regional Təhsil İdarəsindən bildirilib ki, mövcud vəziyyətdən xəbərdardırlar:
"Binanın əsaslı təmiri və ya yenidən tikintisi ilə bağlı məsələ qeydiyyata alınıb. Təhsil müəssisələrinin tikinti və təmiri növbəlilik və prioritetlik prinsipi əsasında həyata keçirilir".
Ən son xəbərləri və yenilikləri almaq üçün ain.az saytını izləyin.
