Bu il yanvarın 1-nə Azərbaycandakı 22 bankdan 5-nin kredit portfeli 1,5 milyard manatdan çox olub.
Bunlar, “Azərbaycan Beynəlxalq Bankı” (6 milyard 515,1 milyon manat), “Kapital Bank” (4 milyard 765,1 milyon manat), “PAŞA Bank” (3 milyard 333,2 milyon manat), “Xalq Bank” (1 milyard 802,5 milyon manat) və “Bank Respublika”dır (1 milyard 653,6 milyon manat).
Qalan 17 bankdan 3-də kredit portfeli 1-1,5 milyard manat arasında, 13 bankda 0,1-1 milyard manat arasında, 1 bankda isə cəmi 2,3 milyon manat olub.
Son 1 ildə 22 bankdan 3-nün – “Bank BTB”, “Xalq Bank” və “Azər-Türk Bank”ın kredit portfeli azalıb. Müvafiq olaraq 1,6 %, 2,4% və 2,6%.
19 bankın isə kredit portfeli artıb. Ən yüksək dinamika “AFB Bank”da (63,4%), ən aşağı dinamika isə “Bank Avrasiya”da (0,3%) qeydə alınıb.
Kredi portfelin həcminə görə, bankların renkinqi - 31.12.2025
© Yurd.Media
