ABŞ ilin sonuna qədər Kubada rejim dəyişikliyi üçün fəal şəkildə çalışır.
"Yeni Sabah" The Wall Street Journal-a istinadla xəbər verir ki, Venesuela Prezidenti Nikolas Maduronun qaçırılmasından ruhlanan Tramp administrasiyası Kuba hökumətində "ilin sonuna qədər kommunist rejimini devirmək" üçün razılaşma əldə etməyə kömək edə biləcək nüfuzlu şəxslər axtarır.
Mənbələr bildirib ki, Tramp administrasiyası Kuba iqtisadiyyatını çökmə həddində qiymətləndirib və Maduronun əsas himayədarını itirməsindən bəri hökumətin heç vaxt bu qədər kövrək olmadığını qeyd edib.
Rəsmilərin adaya təxminən 70 ildir ki, hakim olan kommunist hökumətini devirmək üçün konkret planı yoxdur, lakin onlar Maduronun tutulmasını və sonradan qalan müttəfiqlərinin güzəştlərini Kuba üçün bir model və xəbərdarlıq kimi görürlər.
Telegram kanalımız
