Qahirə, 22 yanvar, AZƏRTAC
Burkina Fasonun şərqində qeyri-qanuni silahlı qruplaşmanın hücumu nəticəsində azı 11 polis ölüb.
AZƏRTAC yerli mediaya istinadla xəbər verir ki, yüzlərlə yaraqlının ölkənin Qourma əyalətinin Balqa rayonunda asayiş nəzarətçilərinə hücumu 7 polisin ölümü ilə nəticələnib. Digər 4 qanun keşikçisi isə aldığı xəsarətlərdən xəstəxanada dünyasını dəyişib.
Qeyd edək ki, Afrikanın Sahel bölgəsində yerləşən Burkina Faso 2015-ci ildən vaxtaşırı “Əl-Qaidə” terror təşkilatı ilə əlaqəli olan silahlı qruplaşmaların hücumları ilə üzləşir.
Şıxəli Əliyev
AZƏRTAC-ın xüsusi müxbiri
Qahirə
