BAKI, 22 yanvar. TELEQRAF
“Rusiya Prezidenti Vladimir Putin Rusiyanın istənilən ssenariyə hazır olduğunu bildirib”.
Teleqraf xəbər verir ki, bunu Rusiya Xarici İşlər Nazirliyinin sözçüsü Mariya Zaxarova Strateji Silahların Azaldılması müqavilələrinin (START, START-3) fevralın 5-də başa çatmasını şərh edərkən deyib.
“Yeni START Müqaviləsi fevralın 5-də başa çatır, təxminən iki həftə qalıb. Bu şəraitdə proqnozlardan həddindən artıq istifadə etməməyi üstün tuturuq. Məsələ ilə bağlı yekun nəticələr çıxarmaq və gələcək inkişaf perspektivləri barədə məlumatlı açıqlamalar vermək üçün həmin tarixi və ya belə bir mərhələni gözləməyi üstün tuturuq. Onu da xatırlatmaq istəyirəm ki, Rusiya Federasiyasının Prezidenti Rusiyanın istənilən ssenariyə hazır olduğunu bildirib”, - diplomat vurğulayıb.
