Hollivudun ən cazibədar cütlüklərindən biri olan aktyorlar Kris Hemsvort və Elsa Pataki boşanma ilə bağlı səs-küylü şayiələrin mərkəzindədir.
Ölkə.az “radar online” istinadən xəbər verir ki, cütlüyün yaxınlarının sözlərinə görə, iki məşğul karyeranı tarazlaşdırmaq onların evliliyi üçün ciddi bir problemə çevrilib:
"Onlar zahirən hər şeyin yaxşı olduğunu iddia edirlər, amma onlarla vaxt keçirənlər gərginliyi görürlər. Dünyanın əks tərəflərində uzun müddət işləmək və yaşamaq zamanla bir vaxtlar paylaşdıqları yaxınlığı məhv edib".
Nəşr cütlüyün ayrılma səbəbi kimi ulduzların aylarla iş səbəbindən ayrı yaşadığını göstərib.
“Gərgin çəkiliş cədvəlləri, uzun müddətli ayrılıqlar və fərqli peşəkar prioritetlər onların münasibətlərinə görünməmiş təzyiq göstərib”, - nəşr yazıb.
Cütlüyün üç övladı var: qızları İndia və əkizləri Tristan və Saşa.
2025-ci ilin sonlarında 16-cı evlilik ildönümlərini qeyd edən cütlük illərdir şou-biznesin ən güclü və ən dəbli cütlüklərindən biri hesab olunur. Onlar sonuncu dəfə Yeni il gecəsi Sidney Limanında yaxtada ictimaiyyət qarşısında birlikdə görüntüləniblər. Bundan əvvəl onlar Hemsvortun "Xatırlamaq üçün bir yol" sənədli filminin nümayişində birgə iştirak etmələri istisna olmaqla, uzun müddət birlikdə görünməyiblər.
