BAKI, 22 yanvar. TELEQRAF
Yanacaq doldurma məntəqəsində (YDM) huşunu itirən kişi soyğunçuluğa məruz qalıb.
Teleqraf xəbər verir ki, hadisə Binəqədi rayonunda baş verib. Epilepsiya xəstəsi olan 62 yaşlı Şahlar Şıxməmmədov məntəqə idarə etdiyi “AzSamand” markalı avtomobillə "Şamaxinka"dakı YDM məntəqəsində olarkən huşunu itirərək yerə yıxılıb. O, YDM-nin əməkdaşları və sürücülərin köməkliyi ilə Binəqədi Tİbb Mərkəzinə yerləşdirilib. Xəstəxanada özünə gələn Şahlar Şıxməmmədovmüəyyən edib ki, onun üzərində olan telefon və 930 manat pulunu oğurlayıblar.
Faktla bağlı Binəqədi Rayon Polis İdarəsinin 7-ci Polis Bölməsində araşdırma aparılır.
