Rusiyanın Ukraynadakı tammiqyaslı təcavüzü onu Birinci Dünya Müharibəsi zamanı Rusiya İmperiyasının yaşadığı vəziyyətə gətirib çıxarıb.
Editor az xəbər verir ki, Bu barədə ABŞ Prezidenti Donald Trampın Ukrayna üzrə keçmiş xüsusi nümayəndəsi Kit Kelloq İsveçrənin Davos şəhərində keçirilən Dünya İqtisadi Forumunda bildirib. Onun sözlərinə görə, Rusiya böyük insan itkiləri və ordu üçün maliyyə xərcləri çəkir. Bundan əlavə, müharibə bitdikdən sonra çox sayda işğalçı maaşlarını almadan evə qayıdacaq. Kelloq hesab edir ki, Kremlin qanunsuz rəhbəri Vladimir Putin bundan qorxur.
“O bilir ki, insanlar evə qayıdacaqlar və indi aldıqları eyni pulları – “döyüş maaşlarını” artıq almayacaqlar. Və o başa düşür ki, bunun çox ciddi nəticələri olacaq… Putinin bir problemi var: ya o, sadəcə qalib gələcək, ya da mövcud şəraitdə onlar çox ruhdan düşmüş vəziyyətdə qayıdacaqlar. Beləliklə, onun Birinci Dünya Müharibəsindən sonra II Nikolay olma potensialı var. Onun ciddi problemi var”, – keçmiş Tramp rəsmisi hesab edir.
Kelloq həmçinin Rusiyanın indiki vəziyyətini Sovet İttifaqının dağılması ilə müqayisə edib ki, bu da qismən SSRİ-nin Əfqanıstandakı uğursuz hərbi kampaniyası nəticəsində baş vermişdi. “Əfqanıstanda Sovet İttifaqı təxminən 18.000 nəfər itirmişdi, indiki müharibədə isə təxminən 1,2 milyon… Bu, astronomik rəqəmdir”, – deyə Kelloq əlavə edib.
Keçmiş Ağ Ev rəsmisinin sözlərinə görə, Putin vəziyyətdən ləyaqətli bir çıxış yolu axtarır, çünki bu müharibədə qalib gələ bilməyəcəyini başa düşür. Kreml psixoloji cəhətdən elə bir nöqtəyə çatıb ki, sadəcə vəziyyətdən əl çəkə bilmir, – deyə o, bildirib. “Çünki əgər əl çəksə, məğlubiyyəti etiraf edəcək, hər şeyin uğursuz olduğunu dilə gətirəcək”, – Kelloq bildirib.
//Samir Qurbanov, Editor.az
