“Real Madrid”in hücumçusu Vinisius Junior yaxın günlərdə komandada çıxışını davam etdirmək istədiyini açıqlasa da, onun gələcəyi ilə bağlı müzakirələr səngimək bilmir.
90deqiqe.Az-ın məlumatına görə, Səudiyyə Ərəbistanı klubları Vinisiusu heyətinə qatmaq üçün ciddi maraq göstərir. Braziliyalı futbolçuya əsas namizəd Ciddə təmsilçisi “Əl-Əhli” klubudur.
Sözügedən klub Vinisius Juniora ümumi dəyəri 1 milyard avro olan rekordmüddətli müqavilə təklif etməyə hazırdır. Futbolçunun yaxın ətrafı artıq bir ildən çoxdur Səudiyyə Ərəbistanı tərəfi ilə təmasdadır.
Qeyd edək ki, Vinisius Juniorun “Real Madrid”lə mövcud müqaviləsi 2026/2027 mövsümünün sonuna qədər qüvvədədir.
