ABŞ lideri Donald Trampın Avropa İttifaqına üzv ölkələrə qarşı gömrük rüsumları tətbiq edəcəyi ilə bağlı təhdidləri Aİ ilə Vaşinqton arasındakı münasibətlərə ciddi zərbə vurub.
APA "Euronews"a istinadən xəbər verir ki, bu barədə Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas bildirib.
“Bu həftə transatlantik münasibətlər həqiqətən də ciddi zərbə aldı”, – Kallas bildirib və əlavə edib ki, Avropa İttifaqı ABŞ ilə 80 illik yaxşı münasibətləri “zibil qutusuna atmaq” niyyətində deyil.
