ain.az, Oxu.az portalına istinadən məlumat verir.
Dünyanın təxminən 100 ən böyük şəhərinin yarısı ciddi su qıtlığı ilə üz-üzədir.
Oxu.Az "The Guardian" nəşrinə istinadən xəbər verir ki, 39 meqapolis su ehtiyatlarının kritik dərəcədə çatışmadığı zonalarda yerləşir.
"Watershed Investigations" və "The Guardian" tərəfindən aparılan kartoqrafik təhlil Pekin, Nyu-York, Los-Anceles, Rio-de-Janeyro və Delhini ekstremal su qıtlığı yaşayan şəhərlər kateqoriyasına daxil edib. London, Banqkok və Cakarta isə su ehtiyatlarına yüksək yük düşən şəhərlər qrupunda yer alıb.
NASA-nın peyk məlumatlarına əsaslanan araşdırma rütubətin dəyişməsi ilə bağlı uzunmüddətli tendensiyaları üzə çıxarıb. London Universitet Kollecinin alimləri müəyyən ediblər ki, Çennay, Tehran və Çjençjou kimi şəhərlərdə su hövzələri nəzərəçarpacaq dərəcədə quruyur. Eyni zamanda, Tokio, Laqos və Kampala rütubətin artması tendensiyasını nümayiş etdirir. Uzunmüddətli quruma zonalarında yerləşən meqapolislərdə təxminən 1.1 milyard insan yaşayır.
Hadisənin gedişatını izləmək üçün ain.az saytında ən son yeniliklərə baxın.
