Bakı, 23 yanvar, AZƏRTAC
To Lam yenidən Vyetnam Kommunist Partiyası Mərkəzi Komitəsinin baş katibi seçilib.
AZƏRTAC Vyetnamın VNA informasiya agentliyinə istinadla xəbər verir ki, bu barədə Vyetnam Kommunist Partiyasının 14-cü Milli Konqresi məlumat yayıb. Bildirilib ki, bu, To Lamın 11-ci müddətdən 14-cü müddətə qədər Vyetnam Kommunist Partiyasının Mərkəzi Komitəsində ardıcıl dördüncü qələbəsidir.
Seçki nəticələrinə görə, 13-cü çağırışın Siyasi Bürosunun 10 üzvü və Katibliyin doqquz üzvü 14-cü Mərkəzi Komitəyə yenidən üzv seçilib.
