ABŞ prezidenti Donald Tramp özünün "Truth" sosial şəbəkəsində Kanadanın Baş naziri Mark Karniyə “Sülh Şurası”na göndərilən dəvətnaməni geri çağırdığını elan edib.
Hörmətli Baş nazir Karniyə!
Bu məktubun, Kanadanın indiyə qədər toplanmış ən nüfuzlu liderlər şurasına daxil olması ilə bağlı sizə göndərilən dəvətnamənin “ Sülh Şurası” tərəfindən geri çağırıldığını təsdiqləməsi üçün xidmət etdiyini bildirmək istəyirik. Bu məsələyə göstərdiyiniz diqqətə görə təşəkkür edirik!
DONALD C. TRAMP, AMERİKA BİRLƏŞMİŞ ŞTATLARININ PREZİDENTİ
Oxuməni.az xəbər verir ki, Kanada hökumətinin başçısı Mark Karninin bir neçə gün əvvəl Davosda keçirilən Ümumdünya İqtisadi Forumunda etdiyi çıxış böyük rezonansa səbəb olmuşdu. Karninin sözlərinə görə, "Hər gün bizə xatırladılır ki, biz böyük güclərin rəqabət dövründə yaşayırıq. Qaydalara əsaslanan nizam yox olur. Güclülər istədiklərini edə bilər, zəiflər isə məcbur olduqları şeylərdən əziyyət çəkməlidirlər." O, xüsusilə vurğulayıb: "Orta güclər birlikdə hərəkət etməlidirlər, çünki əgər biz masada deyiliksə, biz menyudayıq" (sitatlar NYT-dən götürülmüşdür). Karninin bildirdiyinə görə, bir çox ölkələr "narahatlıqdan qaçmaq üçün uyğunlaşmağa çalışır, bunun onlara təhlükəsizlik təmin edəcəyinə ümid edirlər." Karninin vurğuladığı kimi, "Bu baş verməyəcək." Forum iştirakçıları Karniyə ayaqüstə alqış ediblər. Kanada Baş naziri çıxışında Trampın adını bir dəfə də çəkməsə də, onun çıxışı ABŞ-ın hazırkı prezidentinin siyasətinə qarşı durmağa hazır olmaq kimi qəbul edildi, nəşr qeyd edir.
Almaz Həsənli
