Aparıcı Tarix Əliyevin (Tolik) qəfil xəstəxanaya yerləşdirilməsi onun aparıcılıq etdiyi proqramın taleyi ilə bağlı suallar doğurmuşdu.
Bizim.Media xəbər verir ki, "Tarixin bir günü" verilişinin bu gün yayımlanan buraxılışında tamaşaçılar studiyada Toliki deyil, onun yaxın dostu və kanalın tanınmış siması İsa Şükürovu görüblər.
İsa Şükürov müvəqqəti olaraq həmkarını əvəz edərək canlı yayımı idarə etməyə başlayıb.
Həkimlərin rəyinə görə, Tarix Əliyevin səhhəti hələ də ciddi nəzarət tələb edir və ona bir müddət xəstəxana şəraitini tərk etmək qəti qadağan olunub.
Hazırda ambulator müalicəsi davam edən sənətçiyə gərgin iş qrafiki və hər hansı bir həyəcan növü tamamilə yasaqlanıb. Bu səbəbdən proqramın bir müddət İsa Şükürovun təqdimatında davam edəcəyi gözlənilir. (milli.az)
Bizim.Media
