Beynəlxalq Velosipedçilər İttifaqının (UCI) 2.1 kateqoriyalı “Bakı–Xankəndi” Azərbaycan velosiped yarışına qatılacaq komandaların sayı artıb.
Azərbaycan Velosiped İdmanı Federasiyasından AZƏRTAC-ın sorğusuna cavab olaraq bildirilib ki, iştirakçılar sırasına Əlcəzairin “Madar Pro” kontinental komandası əlavə olunub.
Bununla da turnirdə çıxış edəcək komandaların sayı 19 ölkədən 1 Dünya Turu, 7 Pro-Tur, 14 kontinental komanda və Azərbaycan yığması olmaqla, 23-ə yüksəlib.
Qeyd edək ki, yarış mayın 10-14-də təşkil olunacaq.
