"Real"ın cinah oyunçusu Brahim Dias yaxın gələcəkdə klubunu dəyişə bilər.
Publika.az xəbər verir ki, bu barədə "Fichajes.net" məlumat yayıb.
26 yaşlı mərakeşli hücumçu ilə iki İngiltərə klubu – “Aston Villa” və “Sanderlend” maraqlanır. Madrid təmsilçisinə gələn təkliflər təxminən 60 milyon avroya çatır. Bunlardan 45 milyon avro birbaşa ödənilə bilər, qalan 15 milyon isə bonus formasında nəzərdə tutulub.
Maraqlıdır ki, "Transfermarkt" portalı Brahimin bazar dəyərini 35 milyon avro olaraq qiymətləndirir.
Qeyd edək ki, Diasın İspaniya nəhəngi ilə müqaviləsi 2027-ci ilin yayına qədər qüvvədədir. Lakin oyunçu Madriddən daha erkən ayrılmağa meyllidir, çünki “kral klubu”nda kifayət qədər oyun təcrübəsi qazanmır.
