Bu il İtaliyada keçiriləcək Qış Olimpiya Oyunlarının məşəl daşıyıcısı müəyyənləşib.
QOL.az xəbər verir ki, olimpiada məşəlini “İnter”in baş məşqçisi Kristian Kivu daşıyacaq. Bu haqda klubun mətbuat xidməti məlumat yayıb.
Qış Olimpiya Oyunları İtaliyanın Milan və Kortina d'Ampezzo şəhərlərində təşkil olunacaq. Yarış fevralın 6-da başlayacaq və 22-də yekunlaşacaq.
Qeyd edək ki, K.Kivu ötən yay "İnter"in baş məşqçisi təyin olunub. Rumıniyalı mütəxəssisin müqaviləsi 2027-ci ilin yayına qədərdir.
