İngiltərə Premyer Liqasının 2025/2026 mövsümünün XXIII turu çərçivəsində “Nyukasl Yunayted” və “Aston Villa” komandaları arasında keçirilən oyun başa çatıb.
90deqiqe.Az-ın məlumatına görə, “Sent-Ceyms Park” stadionunda (Nyukasl-apon-Tayn) baş tutan qarşılaşmada qonaqlar 2:0 hesablı qələbə qazanıblar. Görüşün baş hakimi Avstraliyadan olan Cərred Cillett olub.
Matçda hesab 19-cu dəqiqədə “Aston Villa”nın futbolçusu Emiliano Buendiya tərəfindən açılıb. Oyunda son nöqtəni isə 88-ci dəqiqədə Ollie Uotkins qoyaraq komandasının üstünlüyünü iki topa çatdırıb.
Bu nəticədən sonra 33 xalı olan “Nyukasl Yunayted” turnir cədvəlinin 9-cu pilləsində qərarlaşıb. “Aston Villa” isə 46 xalla 3-cü sıraya yüksəlib.
Növbəti turda “sağsağanlar” yanvarın 31-də səfərdə “Liverpul”la qarşılaşacaqlar. “Şirlər” isə fevralın 1-də doğma meydanda “Brentford”u qəbul edəcəklər.
