Ermənistanın Baş naziri Nikol Paşinyan öz rok qrupunu yaradıb.
Senzor.az bildirir ki, Baş nazir rəsmi Facebook hesabında yeni layihəsinin anonsunu paylaşıb.
Məlumata görə, qrupun adı “Varçabend” (“Varchaband”) adlanır. Bu ad ermənicə “varçapet” (Baş nazir) və ingiliscə “band” (musiqi qrupu) sözlərinin birləşməsindən yaradılıb.
Xatırladaq ki, bundan əvvəl o, gəncləri yanvarın 30-da İrəvanda keçiriləcək ilk konsertinə dəvət edib. Lakin tədbirə qatılmaq istəyənlərin sayı həddindən artıq çox olduğu üçün müraciətlərin qəbulu artıq dayandırılıb.
Daha bir maraqlı məqam. Deyilənə görə, Paşinyanın musiqiyə marağı ötən il nəzərə çarpmağa başlayıb. 2025-ci ilin avqust ayında media onun və həyat yoldaşı Anna Akopyanın musiqi alətlərini, xüsusən də gitara və nağara çalmağı öyrənməyə başladıqlarını bildirib. Daha sonra Baş nazir dəfələrlə sosial mediada nağara çalarkən çəkilmiş videolarını paylaşıb.
