Çempionlar Liqasının əsas mərhələsinin son turunda “Qarabağ”la oyun öncəsi “Liverpul” baş məşqçisini dəyişə bilər.
Sportinfo.az AS nəşrinə istinadən xəbər verir ki, Mersisayd təmsilçisi hazırkı baş məşqçi Arne Slotungələcəyi ilə bağlı hələ qərar verməsə də, onun mümkün əvəzedicisi ilə bağlı seçimini edib.
“Qırmızılar” bu posta bir müddət qabaq "Real"dan göndərilən Xabi Alonsonu nəzərdən keçirir. Klub rəhbərliyi artıq ispan mütəxəssislə bu keçidə hazır olub-olmadığını öyrənmək üçün təmasa keçib.
Alonsonun futbolçu kimi şərəfini qoruduğu komandanın baş məşqçisi olmağa müsbət yanaşdığı bildirilir.
“Qarabağ” və “Liverpul” yanvarın 28-də qarşılaşacaqlar.
