Belçikada milli dəmir yolu şirkəti SNCB-nin işçiləri beş günlük tətilə başlayıblar. Tətilin təsiri həftənin ilk iş günündə ölkə daxilində çoxsaylı qatarların ləğvi ilə aydın şəkildə hiss olundu.

SNCB dəmir yolundan istifadə edən sərnişinlərə rəsmi veb saytlarında qatar xidmətlərinin və alternativ marşrutların vəziyyətini yoxlamağı tövsiyə etdi.

Qatar xidmətindəki fasilələrin miqyası tətil edən işçilərin məsuliyyət sahələrindən asılı olaraq hər gün dəyişir.

Həm şəhərlərarası, həm də şəhərdaxili nəqliyyatda geniş istifadə olunan qatar xidmətlərindəki fasilələr Belçikada iş həyatına mənfi təsir göstərir.

Federal hökumət dəmir yolu şirkətini modernləşdirməklə 675 milyon avro qənaət etməyi hədəfləyən qanun layihəsi üzərində işləyir. Qanun layihəsinə dəmir yolu işçilərinin dövlət qulluğu statusunun ləğvi və daimi vəzifələrin ləğvi daxildir.

Bundan əlavə, dəmir yolu şirkətinin idarəetmə sistemində planlaşdırılan dəyişiklik qərarların həmkarlar ittifaqının təsdiqi olmadan qəbul edilməsinə imkan verməyi hədəfləyir.

aia.az
Tərcümə şöbəsi

• Tətil
• Belçika
• Dəmir Yolu