ABŞ-ın böyük bir hissəsinə təsir edən şiddətli qar fırtınası və həddindən artıq soyuqdan ölənlərin sayı 30-a çatıb və 554 mindən çox insan elektriksiz qalıb.
Turkustan.az xəbər verir ki, Amerika Birləşmiş Ştatları "tarixi" qar yağışı və həddindən artıq soyuq kimi təsvir edilən hadisələri yaşamağa davam edir.
Bəzi ərazilərdə qarın qalınlığı 30 santimetri keçib, güclü qar və buz nəqliyyatın hərəkətini dayandırıb və çoxsaylı məktəblər bağlanıb.
ABŞ Milli Meteorologiya Xidməti Pensilvaniyanın şimalındakı bəzi ərazilərdə qar yığılmasının 50 santimetrə çatdığını və temperaturun -31 dərəcə Selsiyə qədər düşdüyünü açıqlayıb.
Aytən Yaşar/ Turkustan.az
