Rusiya 2019-cu ildən bəri Moskvanın giriş səlahiyyəti olan Suriyanın şimal-şərqindəki Qamışlı aerodromundan hərbi qüvvələrini geri çəkməyə başlayıb.
Bu barədə Reuters agentliyi Suriya mənbələrinə istinadən xəbər verib. Agentliyin mənbələrinə görə, geri çəkilmə tədricən davam edir: bəzi bölmələr ölkənin qərbindəki Hmeymim hava bazasına köçürülür və ora hərbi texnika və ağır silahlar daşınır, digər hərbi birləşmələr isə Rusiyaya qayıdır.
Reuters qeyd edir ki, Rusiya bayraqları hələ də aerodromun üzərində dalğalanır. Rusiya nişanları olan iki təyyarə uçuş-enmə zolağındadır.
Bir müddət əvvəl Suriya mənbəsi "Kommersant"a bildirib ki, Suriya keçid hakimiyyəti Moskvadan Rusiya qoşunlarını aerodromdan geri çəkməsini xahiş edə bilər. O, hökumət qüvvələrinin kürdləri şimal-şərqdəki Haseke əyalətindən qovduqdan sonra bu məsələ ilə bağlı danışıqlara başlaya biləcəyini bildirib.
"Syira TV" isə yanvarın 27-də Suriyanın müvəqqəti prezidenti Əhməd əl-Şaraanın 28 yanvarda Moskvaya səfər etmək və prezident Vladimir Putinlə görüşmək niyyətində olduğunu bildirib.
SAMİRƏ
