“Мilan”ın sabiq yarımmüdafiəçisi Massimo Ambrozini klubun yeni transferi, alman forvard Niklas Füllkruq barədə danışıb.
90deqiqe.Az-ın məlumatına görə, 48 yaşlı sabiq futbolçu Füllkruqun əsas üstünlüyünün qol vurmağa olan xüsusi həvəsi və instinkti olduğunu vurğulayıb.
“Komandaya qola köklənmiş, meydanda yalnız bunu düşünən hücumçu lazımdır. Santyaqo Ximenes bu rolu tam yerinə yetirə bilmədi. Füllkruq isə qollara aludə olan futbolçudur və bu, onun əsas üstünlüyüdür”
pianetamilan.it nəşrinin məlumatına görə, Niklas Füllkruq daha əvvəl İngiltərənin “Vest Hem” klubunda gözləntiləri doğrultmayıb. Hazırda “Milan” A Seriyasının turnir cədvəlində 2-ci yerdədir.
