Yaşar Aydəmirov avtobusda vəfat edən həkim qardaşı haqda danışdı

BAKI, 27 yanvar. TELEQRAF

"Qardaşımın səhhəti ilə bağlı indiyədək ciddi şikayəti olmayıb. Hadisə qəfil baş verib, avtobusda insult keçirib, hələ də baş verənlərin təsiri altındayıq".

Bu barədə Teleqraf-a ehtiyatda olan general-leytenant Yaşar Aydəmirov ötən gün 53 saylı avtobusda vəfat edən qardaşı, tanınmış cərrah Məhyəddin Aydəmirov barədə danışarkən deyib.

Onun sözlərinə görə, qardaşının 35 illik cərrahlıq təcrübəsi vardı: "Heç vaxt səhhəti ilə bağlı bir şikayətini eşitməmişdik. Ona görə onun bu cür vəfat etməsi hamımız üçün gözlənilməz oldu" - deyə bildirib.

Uşaq cərrahı Məhyəddin Aydəmirov Xocəsən qəbiristanlığında dəfn edilib.

• Qardaş
• Avtobus
• Həkim
• Insult
• Vəfat
• Cərrah
• Yaşar Aydəmirov