...Hindistan və Avropa Birliyi ticarət sazişinə yaxınlaşır və bu sazişə əsasən, Yeni Dehli Avropa avtomobillərinə idxal rüsumlarını 40 faizə endirəcək.
SİA xarici qaynaqlara istinadən xəbər verir ki, bu barədə Reuters məlumat veribDanışıqlarla tanış olan mənbələr bildirib ki, tərəflər "bütün sazişlərin anası" adlandırılan azad ticarət sazişi imzalamağı planlaşdırırlar.
Sənədə əsasən, Hindistan hökuməti idxal qiyməti 15.000 avrodan çox olan məhdud sayda Avropa avtomobillərinə rüsumu dərhal azaltmağı planlaşdırır.
Bu, hazırkı 70-110 faizdən 40 faizə düşəcək, bundan sonra rüsum tədricən 10 faizə endiriləcək.
Mənbələr bildirib ki, rüsum azaldılması ilk beş il ərzində elektrikli nəqliyyat vasitələrinə təsir göstərməyəcək, bundan sonra isə onlar eyni dərəcələrə tabe olacaqlar.
Bu qərar yerli istehsalçıların investisiyalarının qorunması zərurəti ilə izah olunur.
Reuters qeyd edir ki, Hindistan və Avropa Birliyi ticarət sazişi danışıqlarının başa çatdığını 27 yanvar çərşənbə axşamı günü elan edə bilərlər.
Bundan sonra tərəflər detalları yekunlaşdırmalı və sənədi təsdiqləməlidirlər.
Əli Babayev
