“Aston Martin” “Formula-1” komandasının mətbuat xidməti 2026-cı il mövsümü üçün ehtiyat sürücülərlə bağlı açıqlama yayıb.
İdman.Biz bildirir ki, 33 yaşlı belçikalı sürücü Stoffel Vandoorn test, simulyator və ehtiyat sürücü kimi vəzifələrini qoruyub saxlayacaq, Britaniya komandasının üçüncü sürücüsü yeri isə 20 yaşlı britaniyalı Cek Krouforda həvalə edilib.
Vandoorn 2026-cı ildə dünya dözümlülük yarışları çempionatında (WEC) “Peugeot” komandasının hiperkarı ilə yarışır.
Krouford üç mövsüm “Formula-2”də yarışıb və 2025-ci ildə “DAMS” ilə italiyalı Leonardo Fornarolini (“Invicta”) 36 xalla geridə qoyaraq ikinci yeri tutub. Amerikalı sürücünün 2026-cı il üçün yeri məlum deyil.
